السلام عليكم اولا ثانيا بقى الكلام اللى هقوله ده انا غالبا بحاول انساه عشان اعرف اكمل حياتى مش هزار ولا ضحك حجات حصلت بجد بعض الناس مش هيصدقوا بس بجد الكلام حصل ليا انا مش واحد صاحبى حكيلى مثلا المهم اللى بيخاف ميكملش مش بستفزك انك تكمل القرايه انا بكلم جد لانك لو كملت وانت بتخاف مش هتنام ولا هتروح جنب السرير.
(اللهم بلغت اللهم فاشهد)
من حوالى3 شهور يعنى فى شهر 1/2008 كنت لواحدى فى البيت واحنا مش مكان مهجور ولا حاجة بالعكس احنا ليل ونهار الدنيا فيها ناس جنبنا وكده المهم كنت لواحدى فى البيت كله كنت قاعد على الكمبيوتر كالعادة يعنى قومت من عليه الساعة 2 بليل كنت مش شايف قدامى روحت على السرير وقفلت باب الشقة كويس وانا متاكد ان مفيش اى حد معايه شربت بيبسى وروحت عشان انام على السرير بقى عشان كنت تعبان اوى الدنيا كانت برد شوية فكان عالسرير بطانية بس مش تقيلة اوى يعنى معقولة عشان الدنيا مكنتش برد اوى نورت النور اول ما دخلت اوضتى وبعدين فرشت البطانية عشان اظبط المكان وانام المهم دخلت تحت البطانية ولسه هغمض حسيت بان حاجة ناعمة لمست رجلى قلت اكيد البطانية بس اللى حسيته بعد كده مش حاجة نعمه كانت انياب بتدخل فى رجلى طبعا انا من كتر الرعب مكنتش حاسس بالم كنت عاوز امشى اهرب وخلاص كشفت البطانية ولقيت قطة اعوذ بالله من شكلها عينيها زى ما تكون بركان غضب ولونها اسود من اى حاجة فى الدنيا ساعتها عرفت انها مش قطة والغريب انى مكنتش عارف اتحرك كان حاجة مسكانى انا عاوز اتحرك بس جسمى مش راضى يتحرك معايا انا كل ده نايم لسه على السرير مش عارف انزل والقطة دى قاعده تخربش وتعض فيا وانا بتالم الم شديد ومش قادر اعمل حاجة بعد ما ملكت اعصابى تانى جاى انزل من عالسرير يدوب رجليا لمست الارض والقطه اختفت ولقيت ايدين ماسكه رجليا من تحت السرير ايدين شكلها مش ادمى زى اللى بييجوا فى افلام الرعب ضوافر طويلة وشكل غريب انا سلكت نفسى منها وجريت عشان افتح باب الشقة وانا بجرى وقعت تقريبا فقدت الوعى لما وقعت تانى يوم لما اهلى رجعوا لقونى فى الحالة دى وبسرعة روحت المستشفى واخدت حقن ومش عارف ايه انا فقت فى المستشفى وروحنا البيت تانى فحكيت لامى على اللى حصل فاتصلت بخالى قام جى البيت هو وواحد صاحبه شيخ ربنا يكرمه يا رب الشيخ ده حكالى على اللى حصل من غير ما اقوله حاجة ولا احكيله على اى حاجة وقالى انت مفيش جن مسك او حاجة زى كده هما زى ما يكونوا بيلعبوا معاك انا كنت مستغرب من الكلام قولتله انا لو حصلى اى حاجة تانية هموت فيها قالى انا كل اللى اقدر اعمله ليك انى ارقيك ورقانى بعدها انا نمت طبعا من غير بطانية وكان على الكنبة وكلهم قاعدين قدامى حلمت انى فى مكان جميل اوى وفى الواح دهب زى ما تكون سور وكان مكتوب على كل لوح اسم سورة من سور القران الكريم لما صحيت اتصلت بالشيخ وحكيت له على الحلم ده وقالى ده الفاصل اللى بينك وبينهم لو صليت وقربت من ربنا هيفضل انما لو بعدت يبقى معملناش حاجة ومن يومها وانا بصلى وبقرا قران ونصيحة لاى حد مش بيصلى انه يصلى عشان ميحصلوش حاجة وحشه وعلى فكره انا بردو دلوقتى قاعد لواحدى والله بس مش خايف عارفين ليه عشان عارف انى اقوى منهم بصلاتى وقربى من ربنا
موضوع: حقيقة وليس خيال (قلبك ضعيف بلاش تدخل) 